السبت، 4 أكتوبر 2008

أول كلمة

لاحظت إن معظم المدونات معارضة تماما لفكر الحزب الوطني و مش كتير اللي بيرود عليهم

فقررت إني أعمل البلوج ده عشان أرود بيه على المعارضين

أنا أساسا مش مدون و لكن لي صديقة مدونة معارضة للحزب طبعا زي كتير منكم و هي اللي شدتني لفكرة إني أعمل بلوج أرود فيه عليكم و أقولكم على رأي و معارضتي الشديدة لكم

في حاجات لازم نتفق عليها قبل ما أبتدي أكتب و هي:

  1. أنا معملتش البلوج ده عشان أحاربكم لأننا في بلد ديموقراطي يؤمن بحرية التعبير
  2. أي إنسان حر يكتب اللي هو عايزه, لكن بدون الإساءة لأي جهة أو حزب أو حركة أو لشخصي ( نحترم بعضينا يعني)
  3. أرجو من جميع المدونين عدم قول لا أو المعارضة لمجرد المعارضة دون التفكير فيما أقوله, لأنكم تعودتم أن تقولوا لا عندما تسمعون كلمة " الحزب الوطني"

و الله ولي التوفيق

نبدأ مسيرتنا نحو التغيير

إسلام

هناك 23 تعليقًا:

غير معرف يقول...

يا ابني قبلك كتير حاولوا و ما استحملوش. انت أصلا غلطت إنك من الأول بينت إنك خايف من الشتيمة.

خليك جامد بقى يا إسلام.

EL-7ezb El-Watani يقول...

2wal 7aga 2na msh 2bnak
tany 7aga ya 7beby 7kayt el shtema 2na msh 7'ayf mn shtema wala 7aga ...2na bs 7beet 22ool llnas 2ny msh da7'el 2shtem 3la el fady w el mlyaan
3la fekra
2na tool 3omry gamed 2wy ya 3'rbya

مش هتاخد يقول...

السيد إسلام رئيس مدونة الحزب الوطني
إلي مش بيحب الشتايم إلي والحمد لله انا مش بشتم
بس أعتقد إن الدستور بتاعنا بيقول إن لغتنا العربيه
فياريت تكتب كل كلامك بدايه باللغه العربيه وليس الفرانكوا أرب
وبعدين إنته أصلا هتتكلم هتقول إيه
انا مش شايف إنك هتتكلم غير بترديد البيانات الرسميه الصادره عن الحكومة
ولا عند حضرتك معلومات تانية تحب توضحها لو عندك معلومات تانية تحب توضحها طبعا مافيش مانع إننا نسمعها
بس علي شرط ماتكونشي خارج حدود الوطن
ولا أقولك تكون ماهو إحنا بقينا مسخره العالم أساسا
العميد ميت
مدونة ميت
http://www.43arb.info/meit

spellz يقول...

فعلآ؟ بجد؟
انت عامل مدونة عشان ترد عالناس اللي بتكره الحزب الوطني وعايز ترد عليهم و كدة؟
ربنا معاك يابني بس علشان ضحكتني

جامدة ابن الوطني البار دي بتفرجني باعلانات مجلس الشعب
واللي يعيش ياما يشوف

في انتظار يور بوستس لول

EL-7ezb El-Watani يقول...

2wal bs 3ayz 22ol mwdooo3 bktb 2zy da msh mohm el mohm eih elly mktooob w b3deeen yes ...i cant write in arabic well mafihsh 7aga de w b3deen i will post ma post nw in arabic .....second ...kont 3ayz thank u all 3la el tr7eeeb el raheeeb da

ربيع يقول...

عزيزي
أرد و ليست أرود ، الطيور على أشكالها تقع يا عزيزي ، الركاكة الالطافحة في كلماتك تؤكد أنك ابن بار للجهلة أعضاء الحزب الوطني ، عدم التدقيق في اختبار الكلمات و الجمل و الاكثار من ذكر "البتاع" يؤكدان أنك ترعرعت في أحضان مؤيدي الحزب الوطني
عزيزي ، سوف تصلك شتائم ليوم القيامة ، لن يحاول أحد منا تغيير أفكارك أو محاورتك بالعقل ، انت بالنسبة لنا "صيده" سنستمتع كثيرا برميها بالطوب و الزجاجات الفارغة
اقعد "بالعافية"

EL-7ezb El-Watani يقول...

7beby rabe3
howa 2nto keda btmsko fe 2y 7aga tafha w t3lko 3leha
w b3deeen klamk da by2kd 2nko mt7fzeeen l2y 7aga w bs ...w 2na mstneeeko lol

radwa osama يقول...

تصدق انت كنت صعبان عليا ومتعاطفة معاك
بس استفزتنى طريقة كتابتك بالفرانكو اراب ، ما تكتب يا بنى عربى ، ما انت كاتب على المدونة بالعربى ، كمل التعليقات بالعربى .

EL-7ezb El-Watani يقول...

hey radwa
first mys3bsh 3leeeky '3aly lol...mwdoo3 b2a my lang. de ...ok 2na msh b3rf 2ktb 3rby kways wala bsor3a ....w 2sasn el mohm el mdmooon msh tree2t el ktaba

radwa osama يقول...

لا برضه طريقة الكتابة مهمة ومؤثرة
يعنى انا لما يطلع عينى فى القرايه ببقى استفزيت جدا واتنرفزت وممكن ارد عليك بشكل اعنف مثلا .
بالاضافة ان يعنى ابن الحزم الحاكم عيب ما يعرفش يكتب بسرعة ، عيبة فى حقك .

EL-7ezb El-Watani يقول...

ماشي انااوعدكو اني احاول اكتب عربي و بعدين انا بكتب بسرعه لاكن انجلش ....و معلش لو كنت استفزيتك....انتي قراتي البوست بتاعي عن ابراهيم عيسي...مستني تعلئك

A يقول...

هما لقوك فين يا بن الحزب؟

يعني واحد زيك ابن حزب كبير وبالضرورة ابن مصر وعاش فيها وجاي "يرود" على المعاردين،أقل واجب يكونوا علموك عربي يعني لغتنا الجميلة اللي ولاد الشــعب بيتكلموا بيها واتعلموها في مدارس الحزب ؟

ما بتعرفش تكتب عربي كويس يا حيلتها ؟

المهم تكون بتفهم الشتيمة العربي يا إسلام وربنا معاك.

عمرو يقول...

روح يا ابنى الله يسهلك و يحنن عليك و يعفى عنك من اللى انت فيه مش عارف ليه بتفكرنى بسمير صبرى و رفيق الصبان .. الأتنين مع بعض

TAFATEFO يقول...

تعليقين

أرجو من جميع المدونين عدم قول لا أو المعارضة لمجرد المعارضة

طب ليه حضرتك عايز تقول نعم لفكر الحزب الوطني .. حضرتك ممكن تأيد الحزب الوطني .. بس مش تدافع عن فكره .. حضرتك رسمت حط مسبق لموقفك .. وده معناه انك مش موضوعي .. وبتطالب الناس بالموضوعيه .. طب بأمارة ايه؟

"أتأمرون الناس بالبر وتنسون أنفسكم"


أنا معملتش البلوج ده عشان أحاربكم

هو الضمير عائد على مين؟ على المصريين؟ ولا على المدونين؟ ولا معارضين الحزب الوطني؟ أصل حضرتك حطيت الكلام في الآخر معتقداً أو متأكداً ان كل اللي ييجي معترض على سياسة الحزب الوطني

وطالما عرفت نبض المخاطبين عامل ازاي .. يبقى مش من حقك تخاطب باللهجه دي .. لأن ببساطه زي ما هما هيدخلوا عندك علشان يردوا عليك .. هما يقدروا ميدخلوش عنك وافضل هاتي لوحدك مع نفسك .. فلو عايز تغير تفكير الناس .. مينفعش تجعل نفسك ند ليهم .. ولا تنفع دي لهجة خطاب أصلاً

TAFATEFO يقول...

آه معلش حاجه كمان

انت بتقول ناس قليلين جداً اللي بيدافعوا عن فكر الحزب الوطني

وحضرتك أول ولا تاني ولا حتى عاشر واحد مدافع

وحضرتك بتحاول تقنع الأكثريه بموقفك .. يبقى تتكلم كويس .. مش من موقف الند .. من موقف الداعي

ومتبدأش بالحجر على الناس في الأسلوب .. لأن حضرتك اللي بتدعوهم .. مش هما اللي طالبين منك حاجه

رغم عدم اقتناعي أصلاً بوجود مدونة لتأييد وتبرير أفعال وسياسات الفشل المستمر للحزن الوطني .. لوجود آلاف الأبواق من تليفيزيون حكومي .. وصحف قوميه .. الناس قرفانه منها .. ودول متخصصين كذب وتدليس وتزوير .. وهو ما ستكون أنت أقل منهم بكثير فيه .. وستجد ألف من يرد عليك

نصيحه .. غير لغة خطابك وخليها لغة عقل وإقناع علشان تبقى مختلف عن متخلفين الحزن الوطني من أبواق التليفيزيون الحكومي والصحف المستقله

mohamad يقول...

أيها الإبن البار

جهاز إعلام كامل من قنوات تليفزيون وإذاعة ومجلات وبروشورات وخبراء إعلاميين من كل العالم بيعملوا اللي إنت بتقول إنك ناوي تعمله

ممكن تكون في وضع محتاج تنافق وتمسح جوخ علشان تكسب موقف أو تقول فكرة معينة . . بس لو حبيت تنافق يا ريت تحسن النفاق . . يعني يكون نفاقك فيه ذوق . . بلاش التحفنة اللي بغشومية دي

mohamad يقول...

وأحب أضبف

جتها نيلة اللي عايزة خلف

العنيد يقول...

بص انا عمري ما رديت علي حد متعود اقري بس لكن بجد يعني وكلمه من قلبي ياريت توصل
أنت فاشل

فاشل


فاشل

انت عبيط ياعم انت قولي بس بالله عليك أخدت كام ولا أقولك هفتح مدونه للحزب أنا كمان بس هتدفعوا كام

يالا منتظر ردك

يا فاشل

ياسمين حميد يقول...

نحو تغيير ماذا؟

كلاكيت تانى وتانى يقول...

الله يخليك ارجوووووك شوفلك حل فالاخطاء الاملائية بتاعتك يعنى والله كدة مينفعش
اصل الانسان مبيتجزأش يا اسمك اية يعنى ثقافة وعلم واختيار متحضر واقللهم والله اللى يخلى واحد
اى واحد بأى اتجاة يعمل بلوج انة بيكتب بلغتة الاصلية صح مش لا املاء ولا معرفة قواعد اللغة
الرحمة الرحمة الرحمة
اما عن المحتوى فلو بدايتها تعلئك مكان تعليقك يبقى نهايتها خلاويص يا شوباب
روح يابنى صحيح ربنا يحنن

faisal يقول...

لنبدأ مسيرتنا نحو التغيير
نحو تغيير إيه..؟!

ana ga3an يقول...

كتير زيك مشيو في نفس سكتك
التدليس والموالسة ومسح الجوخ
للقوي السيادية في الدولة
املا ان يلاقي شغلانة ولا يستر اختة او نفسة
والنتيجة المعروفة لصغار او ديول الاحزاب
وخصوصا احزاب الدولة
بيكونوا مزبلة التاريخ
ويوم ما ربنا يفرجها علية
يلاقي شغلانة في الحي
ويعيش علي الرشاوي والسحت وتفتيح الادراج
روح يا ابني
ووحياة والدك مترجعش تاني

Unknown يقول...

مش لاقيه كلام بعد اللي اتقال ..

أنت بتتمحك في الدولة ..

و فعلا زي ما قال انا جعان .. هؤلاء هم مزبلة التاريخ