السبت، 4 أكتوبر، 2008

ابراهيم عيسي 1

طبعا كلنا عارفيين ان ابراهيم عيسي اتحكم عليه بشهريين سجن في القضيه بتاعت صحة الريس و طبعا كلكم بتـقولوا منيين الريس قال ان في حريه في التعبير و ان مافيش صحفي هيتحبس في عهدو.........



كل ده كلام جميل لكن ...............

ده الرئيس محمد حسني مبارك" رئيس جمهوريه مصر العربيه " يعني مينفعش اطلاقا اي حد يقول اي حاجه عليه كده من غير متكون معلومات صحيحه و مؤكده .....


ما انتو طول عمركو بتكتبو و ابراهيم طول عمرو بيكتب و الريس سايبو بس لما تكون الاخبار دي تمس ذاته يجب في هذه اللحظه وقفه و تفكييير ... هو من حق اي انسان ان يكتب اي معلومات "غير مؤكده" عن اي انسان اخر؟؟؟؟ ....


بأمانه تامه لو انت فتحت الجرايد الصبح و وجدت اخبار عنك اخبار "غير مؤكده" هتعمل ايه؟؟؟؟؟؟؟


طبعا حتروووح تخرب بيييت امو و ترفع عليه قضيه تعويض لمجرد الاضرار النفسيه و الاجتماعيه التي لحقت بيك صح ؟؟؟؟


فمابالك برئيس دولتك..... مفكرتوش اخبار زي دي ممكن تأذي وطنك اللي بتحبو اد ايه .... مفكرتش اقتصاد بلدك ممكن يحصلو ايه .... سياسه بلدك..... امن بلدك الداخلي و الخارجي .... ولا انتو تكتبو اي حاجه تسمعوها و خلاص ..... الخبر ده اثر في مصر جامد اوي ... اقتصاديا و اجتماعيا و سياسيا خارجيا و داخليا .... فمينفعش حاجه زي دي تحصل و نسكت لازم يكون هناك ردع لمثل هذه الشخصيات التي تنشر مثل هذه الاخبار بلا تفكير في العواقب .....اصل دي مش حريه تعبير خالص.....انا بس عايز اقول لكم استخدمو حريتكم صح .... لا تكونو متحفزيين و لا تأذو بلدنا الحبيييب .......


للحديث بقيه في نفس الموضوع


note : its ma first time 2 write in arabic fa mttdy2osh mn el spelling




هناك 29 تعليقًا:

MariaM Bent Omran يقول...

طيب يا إسلام يا حبيبي هتكلم أنا معاك بالهداوة.. مين قال إن اللي كتبوا إبراهيم عيسى إشاعة مش حقيقة ؟؟؟

و بالعند فيك إنت و حزبك دي المقالة اللي إتحبس بسببها إبراهيم عيسى :

الالهه لا تمرض


الرئيس فى مصر اله والآلهة لا تمرض لهذا السبب يخفى الرئيس مبارك والمحيطون به والمنافقون له أمر مرضه يتركون البلد نهشا للشائعات ونهبا للأقاويل و لا ينطقون بل يضللون الناس عن معرفة الحالة الصحية للرئيس ومبدئيا فالريس نفسه ليس مريضا مرضا خطيرا لكنه مرض سنه فضلا على أن الرئيس حتى لو أصيب بالأنفلونزا يجب أن يعرف الشعب والمشكلة أن الغرباء يعرفون البيت الأبيض لديه تفصيل شبه يومية تل أبيب تعرف وتتابع دوائر غريبة كثيرة تعرف حقائق حول مرض الرئيس أو سفره للعلاج ، بل أوروبا تستقبله للعلاج بأجهزة مخابراتها و دوائر منها ، إذن السر فقط على المصريين ، و لولا أن الرئيس ترنح مغشيا عليه أمام شاشات التليفزيون فى خطبة له منذ أعوام ، ما كان لأحد أن يعرف حالة صحة الرئيس ، و لولا انه سافر للعلاج طويلا فى ألمانيا ما قال احد عن مرضه شيئا ، فالحاصل أن دولة مبارك تريد أن تقدم الرئيس باعتباره شخصا مقدسا لا يخطئ و لا يراجعه احد و لا ينافسه شخص ، و هذه الصفات تعنى قطعا انه لا يمكن أن يمرض ، بل و لا يفكر أحد أنه يمكن أن يموت مثلما يموت البشر !! لكن الأمر يتجاوز فكرة مرض الرئيس إلى حاضر و مستقبل البلد ، فالمؤكد أن عائلة الرئيس و السيدة سوزان مبارك تحديدا كما يعلم الكافة حدانا و فى الخارج تضغط بقوة منذ فترة كى يتنحى الرئيس عن الحكم و ينقل الرئاسة على عينه و فى حياته إلى جمال مبارك ، و الرئيس هو الشخص الوحيد فى العائلة الذى يقاوم هذه الخطوة سواء لتمسكه بالبقاء فى السلطة دون الخروج عنها إلا بقرار قدرى ، أو قلقا من استفزاز الشعب المصرى و جنرالات لهم أولوية كبرى لدى مبارك ، بل و يخشى الرئيس على حياة نجله متى صمم على نقل السلطة إليه ، لكن مع ظروف مرض الرئيس و داخل بيت تحكمه عواطف الأبوة النبيلة و مشاعر الوفاء لزوجة هى رفيقة عمر و شريكة كفاح قد يضعف قلب الأب ، و يتغلب على عقل الرئيس ، و هو ما يعنى أن مستقبل مصر مرهون فعلا بقرارات عاطفية يتخذها رئيس فى لحظة مرض ، ثم إن مرض الرئيس يعنى غيابا مؤقتا عن الإمساك بكل الخيوط ، الأمر الذى يوفر فرصة لجهات و أسماء من قصر الرئاسة أو من خارجه كى تمد يدها لتفعل ما تريد ، بل لعل حملات القبض على الإخوان و الاستنفار الأمنى الخشن ضد الصحف الخاصة و التعجيل بانتخابات الحزب الوطنى و دفع أسماء موالية لجمال مبارك و أحمد عز ضد رجال صفوت الشريف و كمال الشاذلى كلها خطوات يلعب بها النجل لصالح الضغط على أعصاب أطراف داخل الدولة كى ينقل وجوده فى الرئاسة إلى شأن مفروغ منه ، بل لعل شائعات صحة و مرض الرئيس و هذا التدافع المتتالى لها سببه رغبة النجل فى فرض أمر واقع ليقع على رءوس الجميع دون أن يتصور أحدهم أن بامكانه أن يرفضه ، فما بالك بأن يرده ، يبقى أن الرئيس مبارك - حسب مصادر طبية - مريض فعلا بقصور فى الدورة الدموية مما يقلل نسبة و كمية وصول الدم إلى أوعية المخ الدموية فى لحظات تسفر عن إغماءات طبيعية تستغرق بين ثوان و دقائق ، و هو ما يفسر ( إن صح ) الشائعة ( إن صحت ) التى تتحدث عن رؤية الرئيس و هو يترنح أو يهتز ذات مرة أثناء قيامه بزيارة لمؤسسة رسمية ، و سأترك لك حرية الاتصال بطبيبك الخاص أو بطبيب قريبك أو جارك لتعرف بنفسك آثار قصور الدورة الدموية على رجل فى سن الرئيس ، و ما ينتج عن ذلك من أمور ، لكن المؤكد أن هذا المرض ليس من الأمراض العضال ، و يمكن أن يحيا به المرء سنوات طويلة ، لكن السؤال ألا يؤثر هذا على بلد و دولة !! ألا يستدعى هذا من الرئيس أن يرتاح . جمال مبارك رأيه كده ، أن يرتاح الرئيس و يترك له الرئاسة .. أما دوائر أخرى فى البلد فهى متوترة جدا و تخشى الصمت، و لكنها تخاف التحرك ، و أجهزة أخرى تريد من الجميع أن يخرس و يسكت و يلم نفسه ، و هى تلم بعضنا بالسجن أو التهديد .. و أخشى ما أخشاه أن يتحول مرض الرئيس إلى فرصة كبيرة تمرض مصر أكثر مما هى فيه من مرض ، يتقاعد عن الحركة و يصيبها كما نرى بقرح فراش تشوهها و تشيله...
_________________--

إقراها كويس يا إسلام و قولي إيه فيها يدعو لحبسه؟؟

عيسى ماتحبسش عشان إشاعة

إتحبس عشان قال حقيقة

ماتحبسش عشان قتل

أو حرق

أو لوث

أو تسبب في غرق 1000 شخص

إتحبس عشان قال كلمة حق

جبهة التهييس الشعبية يقول...

ازيك يا ابن الحزب البار
عندك ستيلا؟

EL-7ezb El-Watani يقول...

لا معندييش عندي نبييت نحب تاخد

مهندس مصري يقول...

هههههههههههه
إذا كان رئيس البورصة و نائب محافظ البنك المركزي أكدوا في شهادتهم أمام المحكمة إن المقالة دي لم تؤثر على الإقتصاد نهائياً
يبقى يتحبس ليه ؟
إذا كان الحكم شابه أخطاء قانونية جسيمة و تجاهل شهادة الشهود المختصين لإنها تبرئه
و أخذ بتقرير مباحث امن الدولة الملئ بالأكاذيب

البلد ماشية بالمقلوب

kareem يقول...

ممكن تقولي انجازات الحزب العظيم ده ايه


غير الخطف و الاعتقالات و القتل و السحل و السرقه و المحسوبيه

محمد الكومي يقول...

هو الحزن بتاعك وصل للمدونات كمان

يا خوفي على جوجللتحصل مصر في الخراب

كريم البحيرى يقول...

انا بجد مش عارف انت ازاى قادر تقول انك بتحب الحزب الوطنى رغم ان كل الاحصائيات اللى نشرت من منظمات عالمية وعربية ومصرية بتقول ان الحزن بتاعكم جاب لمصر الخراب وانا عندى احصائيات لما نشر عن الحزن الوطنى خلال 27 سنة من خلال الصحف ومنها الصحف الحكومية بيقول ان طول ال27 سنة بتاع حكم ابوك الروحى اللى مش ابويا رئيس الحزن الوطنى كانت خراب مش عارف بعد دا كلة قادر ازاى تقول انا بحب الحزب البتنجانى بتاعك دا ياخى نفسى مرة تواجهوا الحقيقة ان الشعب بيكره رئيسك وابنه وعائلتة وكل ما ياتى من هذا الحزن الذى اتى بالخراب لمصر وحرقها بالكامل

Ahmed Shokeir يقول...

ما انتو طول عمركو بتكتبو و ابراهيم طول عمرو بيكتب و الريس سايبو

أنا مش فاهم بأه يعني إيه الريس سايبه .. هي دي منحة يعني ولا إيه ... وهو المفروض الريس يمنع الكتابة .. ياصديقي الف باء الديمقراطية التي يتكون منها إسم الحزب الذي تنتمي اليه لا يعني أنك تمنح هبة الديمقراطية للأخرين كي يكتبوا بحرية بل هي حق مكتسب لأن من يمنح يستطيع أن يمنع
وفي الديمقراطية الحقيقية وليست الصورية حرية الكتابة ليست هبة، وكلمتك المسطورة دي توضح أنك لاتعي معنى كلمة ديمقراطية

Doctor يقول...

لكل داء دواء يستطاب به
إلا الحماقة أعيت من يداويها

!!!!!!!!!!!!!!!

احسن لك تتمشى

^ H@fSS@^ يقول...

looooooooools
كتير اوي
u made my day wallahi
انا اصلا عيانة بزكام سخيف و باخد ادوية مهيسة للعقل الباطن
فمصدقتش نفسي في الاول
لكن لما تاكدت ان البلوج ده حقيقي فطست من الضحك
thanks ya dude, u truly made my day.

tarek momen يقول...

ايه حكاية انك اول مرة تكتب بالعربي و بتطلب اننا ما نضايقش من السبلنج
هو حضرتك منين بالضبط من انجلترا و لا خريج مدارس اولاد الذوات
وفي هذه الحالة ممكن تقولي معلوماتك عن الحزب الوطني اللي سيادتك ابنه
بالمناسبة لو الجرايد كتبت عني اني عيان مش هارفع قضية علشان انا انسان طبيعي و بامرض كتير وباروح لدكاترة و باخد علاج و بادعي ربنا يشفيني و الحمد لله باخف

هموم مواطن يقول...

العب بعيد ياشاطر

مصري بالغربة يقول...

يا ابن ال *************** البار

خليك في كوزك

لغاية ما نعوزك

ياسمين حميد يقول...

هو العيا ده بقى شتيمة؟!!!؟
طيب ما كل ما بيمرض أي رئيس دولة في أي مكان بالعالم بيعلنوا عن مرضه
حتى بابا الفاتيكان لما بيمرض بيعلنوا بل وبيشرحوا حالته الصحية بالتفصيل باعتبار أنه شخصية عامة والشخصية العامة بالمناسبة لا تنطبق عليها في معظم دول العالم لا قوانين السب والقذف ولا سرية الحالة الطبية باعتبار أنه الشخصية العامة المشهورة أياً كانت، سواء فنان أو رئيس دولة مادام شخصية عامة فيحق للآخرين السخرية منه والنيل من شخصه ومناقشة حالته الصحية ولا يحق له رفع قضية سب وقذف إلا إذا سبه أحد بما ليس فيه. أذكر واقعة حصلت لشرويدر مستشار ألمانيا السابق (في ألمانيا المستشار هو المنصب الأهم في الدولة وأهم من رئيس الجمهورية) أن صحفياً كتب أنه يصبغ شعره فرفع قضية على الصحفي يقول فيها أن شعره أسود بشكل طبيعي ولم يسبق له صبغه. وكثر في فترة المحاكمة التندر والسخرية من الصحافة على الموضوع وعلى شخص المستشار دون أن يستطيع أن يفعل شيئاً ضدهم لأنهم لم يتجاوزوا القانون في أقوالهم. وتم تحليل شعرة من شعره جينياً وثبت صحة كلامه فتمت معاقبة الصحفي بالغرامة (المفروض أن قضايا النشر لا يحكم فيها بالحبس).

santanas يقول...

يابنى بطل عبط............... ومعلش يا سكومونس لاحسن ايديك توجعك من العربى . المدونين مش شعب غلبان هتضحكوا عليه باللعبه الامريكانى . روح يا شاطر العب بعيد على راى هموم مواطن. واكرام لنواره والنبى هات واحده جون وواكر وكتر المزه علشان ده اخرك

mariam يقول...

هههههه
ايها الابن البار
ايه اللى انت كاتبه ده

ايه رأيك فى محاميين الحزب الوطنى اللى قالوا ان مبارك مقدس و اسمه فى القرآن فى قضية رؤساء التحرير ال4
هو ده اللى عايزنا نتعلمه؟
الخضوع و النفاق و الموالسه؟
لا الحمد لله احنا مش ناويين
و لو حد كتب عنى فى الجرنال انى تعبانه
مش ناويه ارفع عليه قضيه
و الرئيس بشر و بيتعب زينا على فكره و لا الالهه لا تمرض؟
بالمناسبه بقى لو كنت شفت شكل الرئيس فى صلاة العيد كان ده هيكون دليل براءة ابراهيم عيسى

المشخصاتي يقول...

اقسم بالله لو كنت قلت انك جاسوس لاسرائيل او عميل لامريكا او حتى من عبدة الشيطان كان ممكن احترمك ..لكنك للاسف اخترت انك تنتمي لفئة ابليس ذات نفسه لا يتشرف ان ينتمي اليها
مبارك وحزبه هم العن من فرعون والنمرود وشارون وبوش وهتلر وهولاكو وكل طواغيت التاريخ مع بعض ..
يااااااااارب حلمي قبل ما اموت اشوف الحزب دده مولع بكل اعضاءه واشوفهم في الاخرة في قعر جهنم هما واللي بيحبهم ..

... amr يقول...

اهلا بيك في دنيا التدوين يا اسلام ..

اتمنى انة يتسع صدرك للمناقشات بتاعت زمايلك ... هتلاقي اللي مأيدك و اللي مختلف معاك ...


نيجي بقى لعمو ابراهيم عيسى ... :))

ابراهيم عيسى ما تجناش على حد... الراجل قال راية و مقلش ادبة .. احنا عندنا الريس يعني حاجة كدة من السما .... احنا عندنا الزعيم الخالد
و الزعيم المؤمن ... و الزعيم المقدس!
ممكن جدا يكون العيب في الناس اللي حوالية .... هما اللي مألهينة ... بس هو اكيد علية تجاههم مسؤلية ... مش لانة اختارهم بس .. لا ... عشان مش متابعهم كما يجب ... الالهه لا تمرض .. لان عندنا الريس هو الكل في الكل ..
ودة من وجهة نظري ... فضيحة ... اقثد فضيحة لما تلاقية كل شوية يتدخل عشان يصحح وضع سببة واحد خايف .. سواء كان موظف و لا وزير !!

و الاسباب كتيرة ...

مش عايز اطول عليك ... بس ليا ليك نصيحة صغننة كدة - ممكن ماتقبلهاش :)-

طفاطيفو كان كاتب رد في البوست اللي فات اعتقد انك لو تأملتة كويس و فكرت قية كويس ... هتستريح :)


اسف على الاطالة

Ahmed Nasr يقول...

نزل ياض مارتيني للرجالة..
الليديز اديهم ليكور عشان يعرفوا يروحوا النهاردة..

حسن مدني يقول...

شوف يا عزيزي

الجماعة تقريبا ردوا على معظم ما أثرت من نقاط. وفاضل واحدة.
"وجدت اخبار عنك اخبار "غير مؤكده" هتعمل ايه؟"

الأخبار دي مسيئة، أو كاذبة، أو مجرد غير مؤكة؟ تفرق كثير
لكن هو رد الفعل الأول أن تطلب من الجريدة نشر تكذيب في نفس المكان، ونفس الشكل. إذا كانت "المعلومات غير المؤكدة" تدخل في باب السب أو التحقير أو الاتهام، دي مسألة أخرى. لكن مجرد معلومات غير مؤكدة، أو حتى غير صحيحة. ماذامت لا تدخل في باب السب العلني والتحقير والاتهام فليس فيها جريمة.
وربما كان من غير الجائز التدخل في الحياة الخاصة للأفراد. ولكن صحة رئيس الدولة - أي دولة - مسألة عامة. من حق الشعب أن يعرفها، أولا بأول. فالخطأ هو خطأ من أخفاها، وليس من نشرها.
وبعدين الرئيس قال "مافيش صحفي هيتحبس في عهده" ما قالش إلا لو جاب سيرة صحتي، يمكن نسي يقولها!.

وفي انتظار البقية

tamer.sala7 يقول...

بص يا روح خالتك

انا مردتش ارد عليك في أول بوست وقولت يا واد طنس خاااااااااالث

ولما مريم قالت عليك اكتشاف ده كان طبيعي ليها انها تسميك اكتشاف علي اساس ان انت من الكائنات الخارقة للطبيعة واللي عندها قدرة علي تحمل الاهانات زي الحمار كدة يعني عنده استعداد يتشتم وينضرب وهو برده حمار
محدش قالها اي حاجة غير انك استعجبتي ده الواد لسة مقلش بسم الله الرحمن الرحيم ومكتبش حاجة انما مرة واحدة كدة تكفر تبقي دي الكارثة

نيجي بقي لقضية ابراهيم عيسي عايز اقولك معني انه يتحبس علشان قال رأيه مع ان رأيه ده غلط ده يعتبر انتخاك لأن الانسان لا يحبس علي افكاره

فهمت ولا زيك زي بتوع الحزب الوطني اللي مش فالحين في حاجة غير الدورات الرماضنية والسرقة في البلد

دعوة اخيرة
روح يا ابني ربنا ما يحرمك من الهبل

Ahmed Nasr يقول...

ليه الشتايم بس يا جماعة ليه؟
وبعدين الناس اللي داخلة البار تشتم وتمشي دي ليه كدة؟
المدونة مكتوب عليها بار!!

واللي هيطلب راح يقعد..
واللي ميطلبش يبعد!!

tarek momen يقول...

قوم يابني اكتب كلمتين تمجيد لأبوك رئيس الحزب بمناسبة اصدار العفو الرئاسي ولا اقولك اقفل المدونة دي بعد هذا العفو ده اذا كان اللي اختشوا لسه ما ماتوش كلهم

ticknad يقول...

note : its ma first time 2 write in arabic fa mttdy2osh mn el spelling



and it's well noted and clearly evident that you can't write in english either!

god help us and help our country if the future is mediocre hacks like you...

Zainabsr يقول...

Your president is in his 80s for God's sake! It's not like his health is 100% great either. Eissa was doing his job as a journalist. As a journalist myself, I feel appalled that your "just president" would put a guy in jail for something as futile. It's obviously a diversion from what's really going on in Egypt!
Yeah, good luck with bringing democracy to your country if people still think the president is so sacred he should not be touched. "Onsor akhaka dhaliman kana am madhlooma" Your president is more often Dhalem than anything else!
Just my opinion and that of 90% of Egyptians who would love to see some change!

مراقب مصري يقول...

كدة يا جماعة؟؟؟
أديكو بضنتوا الواد

سيدهم يقول...

يا جماعة شوية شوية عليه.. بالراحة بالراحة..
عاوز تقول إيه يا ولد يا إسلام يا حبيبي.. مش تروح تلعب بعيد أحسن..

يحدق التأريخ في تأريخكم
بمنتهى الذهول..
يقول ماذا عساي أن أقول..
يجمعكم في كومة..
يبعد عنكم خطوة..
يشد بنطلونه..
و فوقكم يبول..

(بتصرف: قصيدة لأحمد مطر)..

زهرة الياسمين يقول...

فيه كلمة واقفه فى زورى
يعنى ايه يعنى سيادة الرئيس سايبه يكتب لكن لما الموضوع يتعرض له يبقى لازم يكون فيه وقفه
يعنى لو راح قال على اى حد اى حاجة يبقى حريه و لو نطق نص كلمة عليه يبقى لازم يتسحل
و نعم الحرية بصراحه
هو ده بقى مبدأ الحزب الوطنى من زمان
اى حاجة تحصل فى اى حد تبقى تمام و مفيهاش اى مشكلة لكن اول ما تمس الريس و الحزب يبقى ساعتها له الويل و الثبور و عظائم الأمور
ده اللى قتل الناس فى العبارة اخد براءه و اللى يكتب كام عبارة يتحبس
و نعم الديموقراطيه ايها الإبن البار !!!!!!!!
حسبنا الله و نعم الوكيل

Zika يقول...

اسمه استاذ ابراهيم عيسي